Comme stelletelle ca s'appicciano ncopp' ô mare
'sti ragge 'e sole abbracciano na varchetella lenta,
senza nisciuna vela, senza nisciuna meta... pare.
Ncoppa nu scuoglietiello nu pescatore aspetta cu ppacienza
e ppenza cu tristezza a cchesta vita nosta,
senza cchiù ppassione,
senza cchiu' vvalore .
E gguarda 'a varchetella ca s'arrepara
arreto n'atu scoglio
e qquieta po' se ferma a farse cunnulià.
E rride chiano e ppenza : 'e nuie?
Nuie ce sapimmo sulo lamentà
e nnun ce sapimmo maie accuntentà.
Currimmo appriess’ ô tiempo senza ce fermà.
Mai cuntente d' ‘o ppresente ca pò ddà felicità
'O tiempo ormaie ce mangna,
'a vita nosta è ssulo frennesia e mmodernità.